New Poetry

Baandh Layn Haath Pe , Seenay pe Sajaa Layn TUM ko
Jee Mein Aata hay k Taveez Bana Layn TUM ko
Phir Tumhayn Roz Sanwaarayn , Tumhayn Barhta Daykhayn
Kiyun Na Aangan Mayn Chanbaili Sa Laga Layn TUM ko
Jayasay Baalon Mein Koe Phool Chuna Karta hay
Ghar K Guldaan Mein Phool Sa Saja Layn TUM ko
Kiya Ajab Khuwahish Uth-ti Hayn Humaray Dil Mein
Kar K Munna Sa , Hawaon Mein Uchaalayn TUM ko
Iss Qadar Toot Kar Tum Par Piyaar Aata Hay
Apni Banhon Mein Bharayn Maar hi Daalayn Tum Ko
Kabhie Khuwaabon Ki Tarha Aankh K Parday Mein Raho
Kabhie Khuwahish Ki Tarha Dil Mein Bula Layn TUM ko
Hay Tumharay Liye Kuch Aysi Aqeedat Dil Mein
Apnay Haathon Mein Dua Sa Utha Layn TUM ko
Jaan Denay Ki Ijazat Bhi Nahi Detay Ho
Warna Mar Jayen Abhie Mar K Manaa Layn TUM ko
Jis Tarha Raat K Seenay Mein Hay Mahtaab ka Noor
Apnay Tareek Makaanon Mein Sajaa Layn TUM ko
Ab Toh Bas Ayk hi Khuwahish hay Kissi Morr Par TUM ko
Hum Ko Bikhray Huwaye Mil Jao , Sanbhalayn TUM ko